ეკვადორის მკვიდრი ლამაზმანი, წარსულში ”მის ეკვადორად” არჩეული მოდელი, ფრანჩესკა ჩიპრიანი იძახის, რომ შარშან ფრანგ მცველთან, ადილ რამისთან დიდი სექსი ჰქონდა გაჩაღებული და ამ სიტყვების თქმის დროს სახეზე არათუ ალმური გადასდის, არამედ ნაკვთიც კი არ უტოკდება.
ფრანჩესკამ ჟურნალისტებთან საუბარში ლამის დეტალურად აღწერა ადილთან თანაყოფისა და ვნების ქარცხეცხლით აღსავსე წუთები, რამაც ბულვარული პრესის წარმომადგენლები ერთობ შეაფიქრიანა, რადგან ასეთ ამბებზე ღიად საუბარს შეუძლებელია, სხვა სათანადო მიზეზი არ ახლდეს თან.
თუ არ გახსოვთ, შეგახსენებთ, რომ ადილ რამის გული ამჟამად (ყოველ შემთხვევაში ოფიციალურად მაინც) ცნობილ მოდელ სიდონი პიემონტის ეკუთვნის და ამ ამბების გაგონება მას რომ არ გაახარრბდა – ცხადია. ჰოდა, სხედან ახლა “ყვითელი” მოკალმეები და მკითხაობენ იმაზე, თუ რა აქვს გულში ფრანჩესკა ჩიპრიანის.
