“ბაიერნის” ნახევარმცველმა ბასტიან შვაინშტაიგერმა ბუნდესლიგის 21-ე ტურში “ჰამბურგის” 8:0 განადგურების შემდეგ, თავისი გუნდის კარგ თამაშზე ისაუბრა.

“ჰამბურგთან” ჩვენმა თამაშმა დიდი სიამოვნება მომანიჭა. ჩვენ კარგად გავისარჯეთ, მოედანზე კარგად ვმოძრაობდით, შეტევის მოსამზადებელ ფაზას უკეთ ვასრულებდით, ვიდრე წინა მატჩებში. ჩვენ დიდი ნაბიჯებით მივიწევთ წინ.”- განუცხადა შვაინშტაიგერმა “ბაიერნის” ოფიციალურ ვებგვერდს.

ბუნდესლიგის 21-ე ტურში “ბაიერნმა” შინ “ჰამბურგი” 8:0 გაანადგურა. გიოტცემ, მიულერმა და რობენმა დუბლი შეასრულეს, ხოლო თითო ბურთი ლევანდოვსკის და რიბერის ანგარიშზეა. შვაინშტაიგერმა ერთი საგოლე გადაცემა შეასრულა.