“ზესტაფონმა” მოსამზადებელ პერიოდში მორიგი ამხანაგური შეხვედრა პირველი ლიგის თერჯოლის “საპოვნელასთან” ჩაატარა და 7:0 გაიმარჯვა.

საფეხბურთო კლუბ “ზესტაფონის” პრესსამსახურის ინფორმაციით, “დავით აბაშიძეზე” გაამრთულ მატჩში, რომელსაც 300-ზე მეტი ადგილობრივი და თერჯოლელი გულშემატკივარი დაესწრო, გია გეგუჩაძემ გუნდი ასეთი შემადგენლობით ათამაშა:

მეშველიანი (კუპატაძე, 46), ღონღაძე (თორნიკე გრიგალაშვილი, 46), თედორე გრიგალაშვილი (გურული, 46), ჭელიძე (ფერეირა, 46), ენდელაძე (გაგოშიძე, 46), გეწაძე (სარდალიშვილი, 46), მაკარიძე (შარიქაძე, 46), ჭანტურიშვილი (ჭანკოტაძე, 46), დოლიძე (კაკუშაძე, 46), კაპანაძე (ფანცულაია, 46), ტატანაშვილი (საბანაძე, 46).

მატჩის 26-ე წუთზე ანგარიში თორნიკე კაპანაძემ გახსნა. 10 წუთის შემდეგ, თავი რევაზ გეწაძემ გამოიჩინა. 38-ე წუთზე, კაპანაძემ დუბლი შეასრულა, ხოლო მე-40 წუთზე გოლი გრიგოლ დოლიძემ მიითვალა.

მეორე ტაიმში ზესტაფონელებმა მეტოქის კარი კიდევ 3-ჯერ აიღეს. 58-ე წუთზე გიორგი ფანცულაიამ გაიტანა. მე-60 და 68-ე წუთებზე კი, ნიკა საბანაძის ჯერი დადგა, რომელმაც საბოლოო ანგარიში დააფიქსირა.

განვლილ სპარინგში მიზეზთა გამო თანაგუნდელებს ომარ მიგინეიშვილი, ნაემეკა აჯურუ და გიორგი კუხიანიძე ვერ დაეხმარნენ.