ნბა-ში საგაზაფხულო დედლაინდად წოდებული 21 თებერვალიც დადგა დაზამთრის სატრანსფერო ფანჯარაც დაიხურა. ტრადიციულად, ბოლო დღეს გუნდები გააქტიურდნენ და რამოდენიმე გაცვლა განახორციელეს:
1. "მემფის გრიზლიმ" "მაიამიდან" ცენტრალური თავდამსხმელი დექსტერ პიტმენი და მომავალი დრაფტის მეორე რაუნდის არჩევანი მიიღო, საპასუხოდ კი დათმო რიკარდო სანჩესი.
2. "ბოსტონ სელტიქსმა" ჯეისონ კოლინზი და ლეანდრო ბარბოსა დედაქალაქის მიმართულებით გააგზავნა, სანაცვლოდ კი "ვაშინგტონიდან" უკანახაზელი ჯორდან კროუფორდი მიიღო.
3. "ტორონტო რეპტორზმა" "ფინიქსის" სასარგებლოდ ირანელი ცენტრი ჰამედ ჰადადი და მომავალი დრაფტის მეორე არჩევანი დათმო, სამაგიეროდ მიიღო საშუალო დონის გამთამაშებელი სებასტიან ტელფაირი.
4. "პორტლენდმა" საკუთარი რიგები გამოცდილი გამთამაშებლით ერიკ მეინორით შეავსო, სანაცვლოდ კი გეორგიოს პრინტეზისზე დათმო უფლებები, რომლითაც ამიერიდან "ოკლაჰომა" ისარგებლებს.
5. "ატლანტამ" ენტონი მოროუ "დალასში გაამგზავრა, სანაცვლოდ კი ტეხასიდან დანტეი ჯონსი მიიღო.
6. "მილუოკიმ" და "ორლანდომ" ერთმანეთში მეგა - 6 მოთამაშიანი გაცვლა განახორციელეს. ამიერიდან "მეჯიქის" ფორმას მოირგებენ ბენო უდრიხი, დერონ ლემბი  და ტობიას ჰარისი, ხოლო "ბაქსის" ღირსებას დაიცავენ ჯეი ჯეი რედიკი, ისმაილ სმიტი და გუსტავო აიონი.
7. "ნიუ იორკ ნიქსი" საკუთარი შემადგენლობიდან შეელია რონი ბრიუერს, რომელიც "ოკლაჰომას" ღირსებას დაიცავს, "ნიქსმა" კი სანაცვლოდ დრაფტის მეორე რაუნდის არჩევანი მიიღო.
8. "შარლოტ ბობკეთსმა" "ორლანდოდან" ჯოშ მაკრობერტსი წამოიყვანა, სამაგიეროდ დათმო ჰაკიმ უარიკი.
9. "გოლდენ სტეიტმა" საკუთარი შემადგენლობიდან ჯერემი ტაილერი "ატლანტასკენ" გაამგზავრა, ხოლო ჩარლზ ჯენკინსი "ფილადელფიაში", სანაცვლოდ კი ორივე გუნდისგან მომავალი დრაფტის მეორე რაუნდის არჩევნები მიიღო.
მეგატრანსფერები არ შედგა. ჯოშ სმიტი, დუაიტ ჰოვარდი, ბრენდონ ჯენინგსი და მონტა ელისი საკუთარი გუნდების შემადგენლობაში დაასრულებენ მიმდინარე სეზონს. ამერიკულ პრესაში კი იწერება, რომ ნბა-ს ისტორიაში წლევანდელი  ზამთრის სატრანსფერო პერიოდი ყველაზე უინტერესო გახლდათ, რადგან არცერთი ხმაურიანი მოლოდინი არ გამართლდა.