ფრანგი ფორვარდი ჰატემ ბენ არფა მიმდინარე სეზონის დამთავრების შემდეგ “ნიუკასლს” დატოვებს.
ფეხბურთელს კლუბთან კონტრაქტი 2015 წლის ზაფხულამდე აკავშირებს, მაგრამ მასთან ახალი ხელშეკრულების გაფორმება არ იგეგმება. თუმცა, “ნიუკასლს” ერთი წლის მერე ბენ არფას არც თავისუფალი აგენტის სტატუსით გაშვება უნდა და ამიტომ, შეეცდება ზაფხულის სატრანსფერო პერიოდში გაყიდოს.
ამ სეზონში 26 წლის ფრანგი სასტარტო შემადგენლობაში იშვიათად თამაშობს, რადგან გუნდის მთავარ მწრთნელს ალან პარდიუს მოთხოვნას ვერ აკმაყოფილებს და თანაგუნდელებს დაცვაში სათანადოდ არ ეხმარება.
