საკალათბურთო ევროპირველობაზე F ჯგუფში მეორე ტურის მატჩები გაიმართა. ხორვატიის და სლოვენიის ნაკრებებმა იტალიასთან და საბერძნეთთან მატჩებში მნიშვნელოვან გამარჯვებას მიაღწიეს და მეოთხედფინალის საგზური გაინაღდეს. ამავდროულად ევრობასკეტზე ხორვატებმა პირენელების შედეგი გააუმჯობესეს _ ხორვატიას 6 მატჩიანი წაუგებელი სერია აქვს, ხოლო იტალიას - 5. მოქმედმა ევროპის ჩემპიონმა კი მეოთხედფინალისკენ კიდევ ერთი ნაბიჯი გადადგა.

ხორვატია _ იტალია 76:68 (8:17, 23:19, 26:9, 19:23)

ლუბლიანა. "სტოჟიცე-არენა". 8 000 მაყურებელი

ხორვატია: ბოგდანოვიჩი (18ქ. 3მ. 2პ), სიმონი (14ქ. 5მ. 2პ), უკიჩი (13ქ. 2მ. 3პ), დრაპერი (12ქ. 1მ. 2პ).

მწვრთნელი: იასმინ რეპეშა

იტალია: დატომე (24ქ. 7მ), არადორი (12ქ. 4მ. 1პ), ბელინელი (9ქ. 1მ. 3პ)

მწვრთნელი: სიმონე პიანიჯანი

ხორვატიასთან მატჩში იტალიის ნაკრებმა კარგად დაიწყო და პირველი ტაიმი 6 ქულით მოიგეს. შესვენების შემდეგ რეპეშას კალათბურთელებს მეტოქეს არ გაახარეს და ბოლოსწინა მეოთხედი 26:9 მოიგეს, ხოლო მატჩში 10 ქულით გაიჭრნენ წინ. ხორვატებმა ამის შემდეგ უპირატესობა ხელიდან არ გაუშვეს. ბოლო მეოთხედში იტალიელები ბევრს ცდილობდნენ მატჩში ანგარიში გაეთანაბრებინათ, თუმცა ბელინელის და არადორის სროლები არ წაუვიდათ, პიანიჯანის შეგირდებმა მხოლოდ სხვაობის შემცირებაღა შეძლეს.

ამრიგად, ამ შეხვედრამდე ხორვატიას და იტალიას აქტივში ხუთმატჩიანი მოუგებელი სერია ჰქონდათ. ხორვატებმა ზედიზედ 6 მატჩი მოიგეს. შეხვედრის შემდგომ ხორვატმა კალათბურთელმა ანტე ტომიჩმა კომენტარი გააკეთა: "შესვენების შემდეგ კონცენტრაცია მოვახდინეთ, ბურთზე კონტროლი დავაწესეთ და გარდატეხა მოვახდინეთ, აქ ჩვენ ბევრი გულშემატკივარი გვყავს. ჩემპიონატამდე ბიჭებმა ვთქვით, რომ ეს ჩვენი წელი იქნებოდა და შევეცდებით წარმატებას მივაღწიოთ".

ამ გამარჯვებით ხორვატიის ნაკრებმა, ჯგუფში ერთი ტურით ადრე,  მეოთხედფინალის საგზური მოიპოვა.

ესპანეთი _ ფინეთი 82:56 (18:15, 24:15, 15:14, 25:12)

ლუბლიანა. "სტოჟიცე-არენა". 3 070 მაყურებელი 

ესპანეთი: კალდერონი (23ქ. 2მ. 5პ), კლავერი (12ქ. 7მ. 2პ), როდრიგესი (9ქ. 6მ. 3პ).

მწვრთნელი: ხუან ორენგა

ფინეთი: კოპონენი (17ქ. 5მ. 4პ), ლი (12ქ. 6მ). ჰაანპა (6ქ. 2პ).

მწვრთნელი: ჰენრიკ დეტმანი

ესპანეთის ნაკრებს სატურნირო თვალსაზრისით ფინეთთან მოგება ესაჭიროებოდა. ფინელებს, კი დაღლა შეეტყოთ. პირველი მეოთხედი თანაბარი ორთაბრძოლით მიმდინარეობდა, მეორე მეოთხედში კი ფინელები მოდუნდნენ და ორენგას შეგირდები პირველ ტაიმს 12 ქულიანი უპირატესობით შეხვდნენ. მეორე ტაიმიც თანაბრად წარიმართა და გადამწყვეტ მეოთხედში დეტმანის შეგირდეს ზემოთნახსენები დაღლა კვლავ დაეტყოთ და საბოლოოდ მატჩი 26 ქულით წააგეს.

წინა შეხვედრისგან განსხვავებით მარკ გასოლმა მატჩი ჩააგდო, კალდერონმა შესანიშნავად ითამაშა. ესპანელმა 23 ქულას 2 მოხსნა და 5 პასი მიამატა და მატჩის საუკეთესო კალათბურთელი გახდა.

შეხვედრის შემდეგ ფინელთა მწვრთნელი აშკარად გულდაწყვეტილი ჩანდა: "საკამათო არაა, რომ ესპანეთი ჩვენზე ძლიერია, ვნახეთ როგორ ზეიმობდნენ ისინი, ჩვენ კი საზეიმოდ საქმე ნამდვილად არ გვაქვს".

ესპანეთი ნაკრებმა ჯგუფში მნიშვნელოვან გამარჯვებას მიაღწია და მეოთხედფინალისკენ კიდევ ერთი ნაბიჯი გადადგა.

ლუბლიანა. "სტოჟიცე-არენა".  10 000 მაყურებელი.

საბერძნეთი _ სლოვენია 65:73 (13:26, 14:17, 19:19, 19:11)

საბერძნეთი: სპანულისი (21ქ. 8მ. 3პ), ზისისი (13ქ. 3მ), ბოუროუსისი (6ქ. 6მ. 1პ).

მწვრთნელი: ანდრეა ტრინკიერი

სლოვენია: დრაგიჩი (28ქ. 5მ. 4პ), ზორან დრაგიჩი (11ქ. 5მ. 2პ), ლაკოვიჩი (10ქ. 2მ. 2პ).

მწვრთნელი: ბოჟიდარ მალიკოვიჩი

2007 წლიდან მოყოლებული, ევროპირველობებზე საბარძნეთთან ზედიზედ სამი მარცხის შემდეგ, სლოვენიის ეროვნულმა ნაკრებმა ნავსი გატეხა. "სტოჟიცე-არენაზე" შეკრებილ გულშემატკივარს, სლოვენიამ იმედი გაუმართლა და ჯგუფში მეორე გამარჯვება მიითვალა. მასპინძლებმა ტრინკიერის შეგირდებს პირველივე ტაიმში მოუგვარეს სიტუაცია _ შესვენებაზე სლოვენია 16 ქულიანი უპირატესობით გავიდა. ცხადი გახდა, ამის შემდეგ სლოვენია უპირატესობას ხელიდან არ გაუშვებდა. მართალია, ბოლო მეოთხედში ბერძნები გამოცოცხლდნენ და 8-ქულიანი სხვაობით მოიგეს, თუმცა მატჩის მოგებისთვის ეს საკმარისი არ აღმოჩნდა.

სლოვენიის ნაკრებმა ამ გამარჯვებით ხორვატიასთან ერთად მეოთხედფინალის საგზური გაინაღდა.    

F ჯგუფი     

გიორგი ბალახაძე

ევრობასკეტ-2013-ს წარმოგიდგენთ ონლაინ-ტოტალიზატორი TBILISIBET.COM და სპორტული ეკიპირების ესპანური ბრენდი Joma