ზურაბ ხიზანიშვილი თურქეთის საფეხბურთო სუპერლიგის აუტსაიდერ “ქაისერისფორს” მინიმუმ ერთი თვე ვერ დაეხმარება.

თურქული ინტერნეტპორტალის sporx.com-ის ინფორმაციით, ქართველ ფეხბურთელს მენისკი დაუზიანდა. ის “ბეშიქთაშთან” მატჩისთვის ემზადებოდა, როდესაც ფეხმა შეაწუხა და სამედიცინო შემოწმების შემდეგ დადგინდა, რომ მარჯვენა მუხლის მენისკი გაწყვეტია.

მიმდინარე სეზონში, 32 წლის ხიზანიშვილმა 18 მატჩი ჩაატარა.