მადრიდის “რეალის” ნახევარმცველმა სამი ხედირამ ოპერაციისშემდგომი აღდგენითი პროცესი დაიწყო. ამის შესახებ Football Espana იუწყება.

26 წლის შუახაზელმა მუხლის ჯვარედინი მყესების ოპერაცია ნოემბრის შუა რიცხვებში გაიკეთა. გერმანიის ეროვნული ნაკრების ფეხბურთელმა მძიმე ტრავმა იტალიის ნაკრებთან ამხანაგურ შეხვედრაში მიიღო.

სადღეისოდ, ხედირა გერმანიის ნაკრების ექიმის – ჰანს-ვილჰელმ მიულერის მეთვალყურეობის ქვეშაა. მედიკოსთა პროგნოზით, ნახევარმცველი მოედანს 6 თვეში დაუბრუნდება.