გერმანიის ეროვნული ნაკრების და მადრიდის "რეალის" ნახევარმცველი სამი ხედირა კლუბთან ახალ კონტრაქტს გააფორმებს. აღნიშნულ ინფორმაციას ესპანური პრესა ავრცელებს.

გერმანელი ფეხბურთელი თავის აგენტს უახლოეს მომავალში შეხვდება და ახალი კონტრაქტის დეტალებზე ისაუბრებენ.

სამი ხედირას "სამეფო" კლუბთან კონტრაქტი 2015 წლის ივნისში ეწურება. 27 წლის ფეხბურთელისადმი ინტერესს ლონდონის "არსენალი" იჩენს.

"რეალის" ნახევარმცველმა გასულ სეზონში მძიმე ტრავმა მიიღო და დროის უმეტესი ნაწილი ლაზარეთში გაატარა. გერმანელმა 2013/14 წლების სეზონში სულ 18 შეხვედრა ჩაატარა.

გიორგი ბალახაძე