გერმანიის ფეხბურთელთა ეროვნული ნაკრების მთავარი მწვრთნელი იოახიმ ლიოვი იტალიასთან ამხანაგურ მატჩში (1:1) სამი ხედირას მიერ მძიმე ტრავმის მიღებით ძალიან შეშფოთებულია. მადრიდის “რეალის” ნახევარმცველი მარჯვენა მუხლის ჯვარედინი მყესების გაწყვეტის მიზეზით, დაახლოებით ნახევარ წელიწადს გამოტოვებს.

“ეს მწარე დარტყმაა სამისთვის და ჩვენთვისაც. მოედანზე და მის გარეთ ეს ადამიანი უდიდესი მებრძოლი და ძლიერი პიროვნებაა. ის ყოველთვის პოზიტიურადაა განწყობილი. ვიმედოვნებ, რომ მსოფლიო ჩემპიონატის სტარტისთვის გამოჯანმრთელებას მოასწრებს. ყოველივე საუკეთესოს ვუსურვებთ და გვჯერა, ოპერაცია წარმატებით ჩაივლის,” – იუწყება ლიოვის სიტყვებს გერმანიის საფეხბურთო კავშირის ოფიციალური ვებგვერდი.