უეფას ოფიციალურმა საიტმა საინტერესო სტატისტიკური ცნობა გაავრცელა, რომლის მიხედვითაც ჩემპიონთა ლიგაზე ჩატარებული მატჩების რაოდენობით “ბარსელონას” ესპანელი ნახევარმცველი ხავი თანამემამულე რაულ გონსალეს ბლანკოს გაუთანაბრდა. ესპანელ მოთამაშეებს 142-ჯერ უთამაშიათ ევროპის ყველაზე ელიტარულ ჩემპიონატში. იქიდან გამომდინარე, რომ ხავი მოქმედი ფეხბურთელია, სავარაუდოდ, რეკორდის დამხობას მოახერხებს.

ზემოთქმულში არ იგულისხმება ჩემპიონთა ლიგის საკვალიფიკაციო ეტაპები. თუ საკვალიფიკაციო ეტაპებსაც მივიღებთ მხედველობაში, პირველ ადგილზე 151 შეხვედრით უელსელი რაიან გიგზია. მეორეზე 148 მატჩით ხავია. ამ დუეტს რაული, კასილასი და მალდინი, შესაბამისად, 144, 143 და 140 შეხვედრით მოჰყვება.

დიმა შარიქაძე