ქართველი ჩოგბურთელების – ეკატერინე გორგოძის და სოფო ქვაცაბაიას დუეტმა თურქეთის ქალაქ ანტალიაში მიმდინარე საერთაშორისო ტურნირზე (საპრიზო ფონდი 10 ათასი დოლარი) წარმატებული სტარტი აიღო.

გორგოძე და ქვაცაბაია ტურნირში მე-4 განთესვით ჩაებნენ და საწყის რაუნდში იაპონელი ნაცუმი ჩიმურა და იტალიელი მარიანა ნატალი 7:5, 6:4 დაამარცხეს.

მეოთხედფინალში ეკატერინე და სოფო რუმინელ ილინკა ტეოდორა ბერჩარუს და უნგრელ ვანდა ლუკაჩს გაეჯიბრებიან.

ცნობისთვის, გორგოძე ერთეულთა ტურნირში მე-2 ნომრადაა განთესილი და პირველ წრეში კვალიფიკაციის ერთ-ერთ გამარჯვებულ გულნაზ დოკის ეთამაშება.