გერმანული “ვოლფსბურგი” ზაფხულის სატრანსფერო ფანჯრის დახურვამდე გაძლიერებას იტალიის ეროვნული ნაკრებისა და “რომას” თავდამსხმელ პაბლო ოსვალდოთი გეგმავს.

Football Italia-ს ცნობით, 27 წლის ფეხბურთელს პრობლემები აქვს “მგლების” ხელმძღვანელობასა და გულშემატკივრებთან, რის გამოც რომაელები მზად არიან, მისი შეძენის მსურველი კლუბებისგან ნებისმიერი წინადადება განიხილონ.

თავის მხრივ, Sky Sport Italia ირწმუნება, რომ “ვოლფსბურგი” მზადაა, პაბლოს ტრანსფერში 20 მილიონი ევრო გადაიხადოს, თავად ფეხბურთელს კი, გასამრჯელოდ წელიწადში 2,8 მილიონი ევრო დაუნიშნოს.

ოსვალდოს შეძენის მსურველ კლუბებს შორის “საუთჰემპტონი”, “ტოტენჰემი”, “არსენალი”, “მანჩესტერ იუნაიტედი”, “ვალენსია” და “ნაპოლი” სახელდებიან.