“ბარსელონას” 31 წლის თავდამსხმელი დავიდ ვილია ლა ლიგის მომდევნო ტურში, “გრანადას” წინააღმდეგ ვერ ითამაშებს. ამის მიზეზი თირკმლის პრობლემაა.
რამდენიმე დღის წინათ, ვილიას კენჭის გავლა ჰქონდა და ძლიერი ტკივილებით, ის ბარსელონას ერთ-ერთ საავადმყოფოში მოათავსეს. ივარაუდებოდა, რომ ასტურიელი ვარჯიშის განახლებას ოთხშაბათს მოახერხებდა, მაგრამ მას ტკივილმა თავი შეახსენა და ფეხბურთელი საავადმყოფოში დააბრუნეს.
“ბარსელონას” ოფიციალური ვებგვერდის ცნობით, გუნდის მე-7 ნომრის “გრანადას” წინააღმდეგ თამაში გამორიცხულია. ჯერჯერობით უცნობია, მოახერხებს თუ არა ვილია ჩემპიონთა ლიგაზე, “მილანის” წინააღმდეგ თამაშს.
