“მანჩესტერ იუნაიტედის” მცველმა ნემანია ვიდიჩმა ტრავმა მოიშუშა და სათამაშოდ მზადაა, თავდამსხმელი უეინ რუნი კი, მოედანს 6 აგვისტოს დაუბრუნდება. ამის შესახებ “წითელი ეშმაკების” ოფიციალური საიტი იუწყება.
“ვიდიჩის აღდგენითი პროცესი ბრწყინვალედ მიდის. თუკი ყველაფერი გეგმაზომიერად წარიმართება, ის უახლოეს მატჩშივე ითამაშებს. სავარაუდოდ, რუნის დაბრუნება 6 აგვისტოს, სტოკჰოლმში, აიკ-თან მატჩში შედგება”, - განაცხადა მანჩესტერელთა თავკაცმა დევიდ მოიესმა.
დაზუსტებით შეიძლება ითქვას, რომ რუნიცა და ვიდიჩიც სეზონის სტარტს სრულიად ჯანმრთელები შეხვდებიან.
