ტურინის “იუვენტუსის” ნახევარმცველმა არტურო ვიდალმა განაცხადა, რომ უახლოეს მომავალში კლუბის შეცვლას გამორიცხავს. ჩილელი თავის მომავალს მხოლოდ და მხოლოდ “ბებერ სინიორას” უკავშირებს.

“წავალ თუ არა “იუვედან”? არა, ეს გამორიცხულია. მინდა, აქ დავრჩე და გუნდს წარმატება მოვუტანო. მიმდინარე სეზონში 10 გოლი გავიტანე, რითაც “იუვენტუსს” რეალური დახმარება გავუწიე. ისიც უნდა ითქვას, რომ თანაგუნდელების გარეშე, ვერაფერს მივაღწევდი”, - უთხრა ნახევარმცველმა Rai Sport-ს.

აღსანიშნავია, რომ სულ ახლახანს, იტალიის ჩემპიონატის ერთ-ერთი საუკეთესო ნახევარმცველობისთვის ვიდალს სპეციალური ჯილდო გადაეცა.