ინგლისის “ლივერპულის” ნახევარმცველი სტიუარტ დაუნინგი ზაფხულის სატრანსფერო ფანჯრის დახურვამდე, დიდი ალბათობით, “ანფილდს” დატოვებს და კარიერას ლონდონში გააგრძელებს.
The Telegraph-ის ცნობით, “ჩაქუჩები” 29 წლის ფეხბურთელის ტრანსფერთან დაკავშირებით მერსისაიდელებთან უკვე მართავენ მოლაპარაკებას.
“ვესტ ჰემმა” “ლივერპულს” სტიუარტის სანაცვლოდ ერთხელ უკვე შესთავაზა 5 მილიონი გირვანქა სტერლინგი, მაგრამ უარი მიიღო, ახლა კი, სატრანსფერო თანხის 6 მილიონამდე გაზრდას გეგმავს, რაც “წითლების” მოთხოვნასთან ახლოსაა. დაუნინგმა პრემიერლიგის გასული სეზონის 29 მატჩში 3 გოლი გაიტანა და 5 შედეგიანი გადაცემა შეასრულა.
