არგენტინული “ესტუდიანტესის” ნახევარმცველი ხუან სებასტიან ვერონი გუნდთან ერთად სრული დატვირთვით ვარჯიშობს და მოედანზე გასასვლელად მზადაა. ამის შესახებ არგენტინული მედიასაშუალებები იუწყებიან.

38 წლის შუახაზელის დაბრუნებას “ოლდ ბოისთან” არგენტინის ჩემპიონატის მე-2 ტურის მატჩში ვარაუდობენ. აქვე შეგახსენებთ, რომ ვერონს ტერფის ტრავმა ჰქონდა და ლაზარეთში იმყოფებოდა.

ცნობისათვის, “ესტუდიანტესი” “ოლდ ბოისს” 15 თებერვალს დაუპირისპირდება.