ლონდონის „არსენალის“ მცველ ტომას ვერმალენის შეძენით დაინტერესებული იტალიური კლუბების ჩამონათვალს „რომაც“ შეუერთდა. La Repubblica-ს ცნობით, რომაული კლუბის სპორტული დირექტორი ვალტერ საბატინი 28 წლის ბელგიელის სატრანსფერო დეტალებზე უკვე აქტიურად მუშაობს.

შეგახსენებთ, იტალიურმა გამოცემებმა ბოლო დროს ვერმალენით „ინტერისა“ და „ნაპოლის“ ხელმძღვანელობების დაინტერესების შესახებ გაავრცელეს ინფორმაციები. ასევე ცნობილია, რომ თავად ფეხბურთელსაც სურს „არსენალის“ დატოვება. კონტრაქტის თანახმად კი, ლონდონში კიდევ ერთი წელი უნდა დარჩეს.

ტომას ვერმალენის ტრანსფერის სავარაუდო ფასი 14 მილიონი ევროა. თავად ფეხბურთელის წლიური ხელფასი კი მინიმუმ 4,2 მილიონი უნდა იყოს.