ეროვნული საკალათბურთო ასოციაციის (NBA) მორიგ სათამაშო დღეს მხოლოდ 2 მატჩი ჩატარდა. “ნიუ იორკ ნიქსმა”, რომლისთვისაც სეზონი არცთუ წარმატებულად დაიწყო, მშობლიურ “მედისონ სქვერ გარდენში” “ჰიუსტონ როკეტსი” მიიღო და 106:109 დამარცხდა.

ნიუ იორკელებს ვერც კარმელო ენტონის ჩინებულმა თამაშმა უშველათ, რომელმაც 45 ქულის ჩაგდება მოახერხა. “ნიქსმა” 8 მატჩში მე-5 მარცხი განიცადა და ატლანტის დივიზიონში ბოლოსწინა მე-4 ადგილზე იმყოფება, მთელს აღმოსავლეთ კონფერენციაში კი მე-10 პოზიცია უკავია.

დრამატული გამოდგა დასავლეთ დივიზიონის ლიდერთა შორის მყოფი “გოლდენ სტეიტ უორიორსის” და “ოკლაჰომა სიტი სანდერის” მატჩი. შეხვედრის ბედი მასპინძელთა ერთ-ერთი ლიდერის ანდრე იგუდალას მიერ ბოლო წამზე ჩაგდებულმა ბურთმა გადაწყვიტა – 116:115.

იგუდალას შეტევამ კარიერის საუკეთესო მატჩი გაუუფერულა სერჟ იბაკას. ოკლაჰომელთა ესპანელმა ლეგიონერმა თამაშიდან 14-დან 9 ტყორცნა გამოიყენა და 9-ვე საჯარიმო ჩააგდო და 27 ქულა მიითვალა, რაც ნბა-ში ასპარეზობის განმავლობაში, მისთვის სარეკორდო მაჩვენებელია.

ნიუ იორკი – ჰიუსტონი 106:109 (23:28, 29:25, 20:22, 34:34)

ნიუ იორკი: ენტონი (45 ქ. 10 მ.), ბარნიანი (24 ქ.), ჯეი არ სმიტი (15 ქ. 8 მ.), ფელტონი (8 ქ. 7 პ.), შამპერტი (2 ქ.); ჰარდუეი (8 ქ.), უორლდ პისი (2 ქ.), მარტინი (2 ქ.), პრიჯიონი, სტაუდმაიერი.

ჰიუსტონი: ჰარდენი (36 ქ. 9 მ.), პარსონსი (22 ქ.), ჰოვარდი (7 ქ. 15 მ. 4 დ.), ჯონსი (6 ქ. 8 მ.), ბევერლი (5 ქ.); ლინი (21 ქ.), გარსია (8 ქ.), კასპი (4 ქ.), ბრუკსი, ბრიუერი, სმიტი.

გოლდენ სტეიტი – ოკლაჰომა სიტი 116:115 (32:33, 30:29, 33:24, 21:29)

გოლდენ სტეიტი: ტომპსონი (27 ქ.), კარი (22 ქ. 9 პ.), ლი (20 ქ.), იგუდალა (14 ქ. 9 პ.), ბოგუტი (6 ქ. 7 მ.); ბარნსი (16 ქ.), გრინი (4 ქ.), ო’ნილი (4 ქ.), სპეიტსი (3 ქ.).

ოკლაჰომა სიტი: უესტბრუკი (31 ქ. 9 მ.), იბაკა (27 ქ. 13 მ.), დიურანტი (20 ქ. 7 მ. 8 პ.), სეფოლოშა (9 ქ. 9 მ.), ადამსი (3 ქ.); ჯეკსონი (12 ქ.), ლემბი (9 ქ.), კოლისონი (2 ქ.), ჯონსი (2 ქ.), ტაბიტი.

აღმოსავლეთ კონფერენცია

დასავლეთ კონფერენცია