დანიიის სარეზერვო გუნდების ჩემპიონატში "ორჰუსმა" 4:0 სძლია "მიდტიულანდს" და 3 გოლი მათე ვაწაძემ გაიტანა. "ორჰუსიდან" იმ ფეხბურთელებმა ითამაშეს, რომლებიც 3 დღით ადრე ძირითად გუნდში 90 წუთი არ დატვირთულან. მინდორზე იყო დავით სხირტლაძეც და როგორც კლუბის საიტი წერს, ერთ-ერთი საუკეთესო შეხვედრა ჩაატარა. აი, დავით დევდარიანს კი "მიდტიულანდთან" არ უთამაშია.

რაც შეეხება ვაწაძეს, გეცოდინებათ, მას მძიმე ტრავმა ჰქონდა, ორი კვირის წინ დაიწყო თამაში და მწვრთნელმა სუპერლიგის წინა მატჩში ("ვიბორგთან" 0:1) მასზე დაყრდნობა ვერ გარისკა.