“მანჩესტერ იუნაიტედის” ჰოლანდიელი თავდამსხმელი რობინ ვან პერსი ინტერესით ელოდება კლუბის ისტორიაში ახალი, დევიდ მოიესის ეპოქის დაწყებას.

“ეს ახალი ერა იქნება და მას მოუთმენლად ველი. ასეთი სიტუაციები ჩვენი სამუშაოს ნაწილია და მათ უნდა გავუმკლავდეთ.

უპირველესად, საჭიროა გასული სეზონისგან სიამოვნება მივიღოთ. ამისთვის საზაფხულო შესვენება გვაქვს. რამდენიმე კვირის შემდეგ დავიწყებთ ახალ სეზონზე ფიქრს, რომელსაც მოუთმენლად ველით.

წინ ახალი ერა და ახალი პრობლემები გველოდება, რომლებსაც ახალ მწვრთნელთან ერთად შევხვდებით. შესაძლოა, რამდენიმე ახალ ფეხბურთელთან ერთადაც. ჩვენი სურვილია პრემიერლიგის კვლავ მოგება და კიდევ 1-2 ტიტულის დამატება.” – ციტირებს პრემიერლიგის 2012-13 წლების სეზონის საუკეთესო ბომბარდირის სიტყვებს Goal-ი.