“პარი სენ-ჟერმენის” ნახევარმცველი გრეგორი ვან დერ ვილი თავის გუნდს “ლევერკუზენთან” უეფას ჩემპიონთა ლიგის საპასუხო 1/8-ფინალურ მატჩში ვერ დაეხმარება. ამის შესახებ პარიზული კლუბის ოფიციალური საიტი იუწყება.

უახლოეს პერიოდში, ჰოლანდიელი გერმანიაში გაემგზავრება და დეტალურ სამედიცინო გამოკვლევას ჩაიტარებს. მარჯვენა მუხლზე მცველს ქრონიკული ტრავმა აწუხებს და მკურნალობა სჭირდება.

შეგახსენებთ, რომ პსჟ “ლევერკუზენს” ოთხშაბათს უმასპინძლებს.