ბელგიის ფეხბურთელთა ეროვნული ნაკრებისა და მიუნხენის “ბაიერნის” ყოფილმა ცენტრალურმა მცველმა დანიელ ვან ბუიტენმა კარიერა დაასრულა. ამის შესახებ ბელგიური გამოცემა lesoir.be იუწყება.

ზაფხულში ვან ბუიტენს მიუნხენელებთან კონტრაქტი დაუმთავრდა. ვრცელდებოდა ინფორმაცია, რომ საკუთარ რიგებში მისი ხილვა “ანდერლეხტს”, “მარსელსა” და “ჰამბურგს” სურდათ.

ვან ბუიტენმა “ბაიერნში” 8 სეზონი გაატარა და 158 მატჩში 20 გოლი გაიტანა. ბელგიის ეროვნულ გუნდში 84 შეხვედრა გამართა და მეტოქეთა კარი 10-ჯერ აიღო.