მოსკოვის “სპარტაკის” მთავარი მწვრთნელის, ვალერი კარპინის თქმით, ჯანო ანანიძე “როსტოვში” იმიტომ გაანათხოვრეს, რომ კონკურენციას ვერ უძლებდა.

“ჯანო 20 წლისაა და ამ ასაკში მუდმივად თამაშია საჭირო და არა შემთხვევიდან შემთხვევამდე. დღესდღეობით, ანანიძე “სპარტაკში” კონკურენციას ვერ უძლებდა. იმედია, “როსტოვში” მეტი სათამაშო პრაქტიკა ექნება”, – იუწყება კარპინის სიტყვებს ინტერნეტგამოცემა championat.com-ი.

კარპინის განცხადებით, “როსტოვში” ანანიძისა და არტიომ ძიუბას განათხოვრება შემთხვევით მოხდა და კლუბებს შორის რაიმე პარტნიორული ურთიერთობა არ არსებობს:

“ეს შემთხვევით მოხდა. “როსტოვს” ჩვენი ფეხბურთელების იჯარით წაყვანა უნდოდა და ამას დავთანხმდით”.