“მილანთან” ხელშეკრულების გაფორმების შემდეგ, თითქოს, “ვალენსიასა” და ადილ რამის ურთიერთობა საბოლოოდ უნდა დასრულებულიყო, მაგრამ ესპანელები მცველს მაინც არ ეშვებიან. Marca-ს ცნობით, კლუბმა ფეხბურთელს ფულადი ჯარიმა დააკისრა.

რამი “ვალენსიას” ერთი კვირის ხელფასს გადაუხდის. ამის მიზეზი, თანაგუნდელების თანდასწრებით, მთავარ მწვრთნელ მიროსლავ ჯუკიჩთან კამათი გახდა.

მოგეხსენებათ, იანვრიდან, რამი “მილანში” იჯარის წესით ითამაშებს. დიდი ალბათობით, სეზონის ბოლოს, იტალიელები მცველს 7.5 მილიონ ევროდ გამოისყიდიან.

ცნობისათვის, ესპანეთის პრიმერა დივიზიონის მიმდინარე გათამაშებაში, რამიმ 3 მატჩი ჩაატარა.