მიმდინარე სატრანსფერო სეზონში, ესპანური “ვალენსია” “სარაგოსას” ფორვარდის – ელდერ პოშტიგას შეძენას აღარ ეცდება. “ღამურების” სპორტულმა დირექტორმა ამადე სალვამ Football Espana-ს განუცხადა, რომ პორტუგალიელის ტრანსფერი დღის წესრიგში აღარ დგას.
გავრცელებული ინფორმაციით, ვალენსიელები პოშტიგას სანაცვლოდ 3 მილიონ ევროს იხდიდნენ, მაგრამ “სარაგოსამ” 4 მილიონი მოითხოვა და ტრანსფერი არ შედგა.
ცნობისათვის, პოშტიგამ პრიმერა დივიზიონის გასულ სეზონში 37 მატჩი ჩაატარა და 14 გოლი მიითვალა.
