“ვალენსიას” პრეზიდენტი ამადეო სალვო ადასტურებს, რომ რობერტო სოლდადოს ტრანსფერთან დაკავშირებით, “ტოტენჰემთან” შეთანხმება მიღწეულია.

“ტოტენჰემთან” ყველაფერზე მოვილაპარაკეთ. სოლდადოს აგენტთან მცირე პრობლება წარმოიქმნა. როგორც კი ეს პრობლემა მოგვარდება, ტრანსფერი განხორციელდება.” – ციტირებს სალვოს სიტყვებს Las Provincias-ის.

რობერტო სოლდადო “ვალენსიაში” 2010-წლიდან თამაშობს. “ღამურების” შემადგენლობაში ჩატარებულ 141 თამაშში მან 81 გოლი გაიტანა. გასულ სეზონში, სოლდადომ 46-ჯერ ითამაშა და მეტოქეთა კარი 30-ჯერ აიღო. გავრცელებული ინფორმაციით, “ვალენსია” სოლდადოს სანაცვლოდ დაახლოებით 30 მილიონ ევროს მიიღებს.