კატალონიური “ბარსელონა” 2014 წელს კარგი ამბებით ხვდება. ლა ლიგის ლიდერ გუნდს პირველი მეკარე, ვიქტორ ვალდესი უბრუნდება. 31 წლის კიპერმა, 44-დღიანი უქმობის შემდეგ, ექიმებისგან თამაშის ნებართვა მიიღო.

ვალდესმა ტრავმა 19 ნოემბერს, ესპანეთსა და სამხრეთ აფრიკას შორის გამართულ ამხანაგურ მატჩში მიიღო, რის გამოც მას “ბარსელონას” 8 თამაშის გამოტოვება მოუხდა.

2013 წლის ბოლოს ვალდესმა განაცხადა, რომ მისი მიზანი 2014 წლის პირველი მატჩისთვის სრულად გამოჯანმრთელება იყო და მან ამ მიზნის მიღწევა მოახერხა. “ბარსას” ოფიციალური ვებგვერდის ცნობით, ვალდესი 5 იანვარს “ელჩესთან” გასამართი თამაშისთვის მზადაა.