“ბარსელონას” კარის დარაჯის, ვიქტორ ვალდესის დაბრუნებას 2014 წლის პირველივე მატჩისთვის ელიან. აღნიშნულ ინფორმაციას Football Espana ავრცელებს.

ვიქტორ ვალდესი 19 ნოემბრის შემდეგ უთამაშებელია. ამის მიზეზი ესპანეთის ნაკრებში მიღებული ტრავმაა.

ესპანური პრესის ცნობით, ვალდესი ვარჯიშს უახლოეს მომავალში განაგრძობს და ის მოედანზე გასვლას 2014 წლის პირველივე მატჩში მოახერხებს. ეს 5 იანვარს, “ელჩესთან” გასამართ დაპირისპირებაში მოხდება.