ფრანგულ პრესაში გავრცელებული ინფორმაციის თანახმად, ვიქტორ ვალდესი “მანჩესტერ სიტიში” გადასვლასთან ახლოსაა.

ცოტა ხნის წინათ, L’Equipe ირწმუნებოდა, რომ ვალდესს “მონაკოსთან” შეთანხმება უკვე მიღწეული ჰქონდა. ამავე გამოცემის ახალი ინფორმაციით, ესპანელ კიპერს “მანჩესტერ სიტის” ვარიანტი უფრო იზიდავს და თუ მან ინგლისს მიაშურა, “მონაკოსთვის” ჯარიმის გადახდა მოუწევს.

ცოტა ხნის წინათ, ვალდესმა დაადასტურა, რომ მას ინგლისის პრემიერლიგა იზიდავს.

შეგახსენებთ, რომ 32 წლის მეკარე “ბარსელონას” მიმდინარე სეზონის ბოლოს, თავისუფალი აგენტის სტატუსით დატოვებს.