ესპანური fichajes.net-ის ინფორმაციით, კატალონიის "ბარსელონას" ყოფილი მეკარე ვიქტორ ვალდესი ზამთრის სატრანსფერო პერიოდში "ლივერპულის" მეკარე გახდება.

32 წლის ფეხბურთელის "მონაკოში" გადასვლა ზაფხულის სატრანსფერო პერიოდში თითქმის გადაწყვეტილი გახლდათ, თუმცა ვალდესის მძიმე ტრავმამ ყველაფერი შეცვალა – ფრანგულმა გრანდმა ტრავმირებულ კარის დარაჯზე უარი განაცხადა.

ჯერჯერობით უცნობია ესპანელის სამომავლო ტრანსფერის დეტალები. ესპანელი მეკარე "ბლაუგრანას" მაისურით 12 სეზონის განმავლობაში ასპარეზობდა და 528 ჩატარებულ მატჩში 437 გოლი გაუშვა.

გიორგი ბალახაძე