“მარსელის” ლიდერი მატიე ვალბუენა უახლოეს პერიოდში კლუბის დატოვებაზე და გუნდის გამოცვლაზე სერიოზულად ფიქრობს.

საკუთარი გეგმების შესახებ 29 წლის ნახევარმცველმა BFM TV-სთან ინტერვიუში ისაუბრა.

“მოცემული მომენტისთვის ჩემი მიზანია, რომ მაღალ დონეზე ჩავატარო სეზონის მეორე ნაწილი და მერე წარმატებით ვითამაშო მსოფლიოს ჩემპიონატზე საფრანგეთის ნაკრების შემადგენლობაში. “მარსელის” ღირსებას უკვე 8 წელიწადია ვიცავ და არასდროს დამიმალავს, რომ ძალების საზღვარგარეთ მოსინჯვა მინდა” - თქვა ვალბუენამ.

გავრცელებული ინფორმაციით ფრანგი ფეხბურთელის შეძენით მადრიდის “ატლეტიკოა” დაინტერესებული. “მარსელი” მზადაა მატიეს შეელიოს, ოღონდ მისი ტრანსფერის სანაცვლოდ 12 მილიონ ევროს ითხოვს.