ინგლისის ჩემპიონლიგიდან პრემიერლიგაში აღზევებისთვის მებრძოლ “უოტფორდს”, ფეხბურთის ასოციაციამ, ტრანსფერების განხორციელება 2013 წლის 1 სექტემბრამდე აუკრძალა.

ინგლისური პრესის ცნობით, “უოტფორდს” ტრანსფერების დადგენილი წესების დარღვევით განხორციელება დაუმტკივდა. ერთ-ერთი ასეთი ტრანსფერია დენი გრემის “სუონსიში” გადასვლა.

BBC-ს ცნობით, “უოტფორდს” ფეხბურთელების ყიდვა/გაყიდვა 2013 წლის ზაფხულის სატრანსფერო ფანჯრის ამოწურვამდე აეკრძალა. თუმცა, საფეხბურთო ლიგის ხელმძღვანელმა პირებმა, შეიძლება, “უოტფორდს” კონკრეტულ შემთხვევებში ტრანსფერის განხორციელების ნებართვა მისცენ.

ამჟამად, “უოტფორდი” ჩემპიონლიგაში მე-3 ადგილს იკავებს, რაც იმას ნიშნავს, რომ არაა გამორიცხული, მომდევნო სეზონში, ეს გუნდი პრემიერლიგაში ვიხილოთ.