ძიუდოს საერთაშორისო ფედერაციამ მსოფლიოს ახალი რეიტინგი გამოაქვეყნა, რომლის მიხედვითაც კაცებში, 7 წონითი კატეგორიიდან 2-ს კვლავ ქართველი ლიდერი ჰყავს. 81 კილოგრამს სათავეში ევროპის მოქმედი ჩემპიონი ავთანდილ ჭრიკიშვილი უდგას. 90 კილოგრამში კი ყველაზე უკეთესი მაჩვენებელი ასევე ევროპის მოქმედ ჩემპიონს, ვარლამ ლიპარტელიანს აქვს.
ჭრიკიშვილის ანგარიშზე 2916 სარეიტინგო ქულაა, რაც შვიდივე წონითი კატეგორიის საუკეთესო შედეგია. თავის წონაში კი საქართველოს ნაკრების წევრი უახლოეს მდევარს – მსოფლიოს მოქმედ ჩემპიონ ფრანგ ლუის პიეტრის 928 ქულით უსწრებს.
ლიპარტელიანი 2436 ქულით ლიდერობს. მეორე ადგილზე მყოფ კუბელ ეშლი გონზალესს კი 1780 ქულა მოეპოვება.
თავისი წონის საუკეთესო ხუთეულში კიდევ ორი ქართველი ძიუდოისტია. 60 კილოგრამ წონით კატეგორიაში მოჭიდავე ამირან პაპინაშვილი (2280 ქულა) მხოლოდ იაპონელ მსოფლიოს ჩემპიონ ნაოჰიშა ტაკატოს (2500) ჩამორჩება. მძიმეწონოსანი ადამ ოქრუაშვილი კი გასულ უქმეებზე გამართულ ულან ბატორის გრან პრიზე მოპოვებული ვერცხლის მედლისა და 180 სარეიტინგო ქულის გათვალისწინებით, მეოთხე ადგილს იკავებს.
ოქრუაშვილს მონღოლური ფინალის წაგება აგვისტოს ბოლოს გასამართი მსოფლიოს ჩემპიონატის წინ შეიძლება სასარგებლოც იყოს. ულან ბატორში პირველ ადგილზე გასვლის შემთხვევაში საქართველოს ნაკრების უმძიმესი წევრი სეზონის უმთავრეს შეჯიბრებაზე სატურნირო ბადეში მთავარი ფავორიტის, ფრანგი ტედი რინერის მხარეს მოხვდებოდა. ამ განლაგებით კი უხვტიტულა გოლიათს ფინალამდე არ შეხვდება (თუ რინერმა მსოფლიოს პირველობამდე საერთაშორისო არენაზე გასვლა არ მოისურვა და წონის ლიდერობა არ დაიბრუნა).
ულან ბატორის გრან პრიზე მოპოვებული ქულებით ყველაზე მეტად ნუგზარ ტატალაშვილმა (73 კგ) და ბექა ღვინიაშვილმა (90 კგ) ისარგებლეს. შეგახსენებთ, მონღოლეთში ორივე ჩემპიონი გახდა და შესაბამისად, 300-300 ქულაც გამოიმუშავეს. ღვინიაშვილი უკვე თავისი წონის მეშვიდე ნომერია, 997 ქულით. ამასთან, ხუთეულის წარმომადგენელ სამხრეთკორეელ კიუ-ვონ ლის მხოლოდ 91 ქულით ჩამორჩება. უახლოეს მდევარს – თანაგუნდელ ზვიად გოგოჭურს კი 54 ქულით უსწრებს.
ტატალაშვილი მეთერთმეტე საფეხურამდე დაწინაურდა. საუკეთესო ათეულში კი საოცარი სიმჭიდროვეა – წონის ლიდერი სლოვენიელი როკ დრაკშიჩი ქართველ ძიუდოისტს მხოლოდ 436 ქულით სჯობნის.
ნუგზარ ტატალაშვილის დარად, მოწინავე ათეულს მიღმა, მაგრამ საუკეთესო ოცეულში არიან: ლევან მატიაშვილი (+100 კგ. მე-14) და ზებედა რეხვიაშვილი (73 კგ. მე-15). უშანგი მარგიანი კი 81 კილოგრამის 21-ე ნომერია.
ყველაზე დაბალი რეიტინგი საქართველოს ნაკრების წევრებს 66 და 100 კილოგრამ წონით კატეგორიებში აქვთ. 66-ში ლაშა შავდათუაშვილი 23-ე ადგილს იკავებს, მაგრამ, შეგახსენებთ, შავდათუაშვილი უკვე 73 კილოგრამის მოჭიდავეა. ამის გათვალისწინებით, სხვა ქართველ სპორტსმენთაგან ყველაზე ოპტიმისტური შალვა ქარდავას პოზიციაა – 37-ე ადგილი. 100 კილოგრამში კი პირველი სამოცი ადგილი ქართველი ძიუდოისტების გარეშე შეივსო.
სარეიტინგო ცვლილებები ქალთა ნაკრების წევრებსაც შეეხოთ. პირველ ყოვლისა ესტერ სტამის (70 კგ) აღმასვლა უნდა გამოვარჩიოთ. ეროვნული გუნდის ნატურალიზებულმა წევრმა ულან ბატორის გრან პრიზე 120 ქულა გამოიმუშავა და 41-ე საფეხურამდე დაწინაურდა.
ქვემოთ კაცების და ქალების შვიდ-შვიდი წონითი კატეგორიის მოწინავე ხუთეულებს და ყველა ქართველი ძიუდოისტის პირად რეიტინგს გაეცნობით.
კაცები
60 კგ
1 ნაოჰიშა ტაკატო (იაპონია) 2500
2 ამირან პაპინაშვილი 2280
3 ბოლდბაატარ განბატი (მონღოლ) 1780
4 ბესლან მუდრანოვი (რუსეთი) 1576
5 ამარტუვშინ დაშდავაა (მონღოლ) 1488
50 ლუხუმ ჩხვიმიანი 278
111 პაატა მერებაშვილი 72
116 ბეთქილ შუკვანი 65
122 გიორგი მესაბლიშვილი 60
155 ლაშა გიუნაშვილი 36
204 ვაჟა მარგველაშვილი 13
249 ლერი ჭელიძე 2
287 გიორგი ბროლაშვილი 1
66 კგ
1 ჩარლეს ჩიბანა (ბრაზილია) 1736
2 მიხაილ პულიაევი (რუსეთი) 1519
3 ტუმურხულეგ დავაადორჟი (მონღ) 1500
4 მასაში ებინუმა (იაპონია) 1470
5 დავიდ ლაროში (საფრანგეთი) 1441
23 ლაშა შავდათუაშვილი 602
37 შალვა ქარდავა 395
53 ტრისტან ფეიქრიშვილი 267
108 თორნიკე თათარაშვილი 91
120 მინდია ლილუაშვილი 72
153 ვაჟა მარგველაშვილი 48
232 კახა ცაგარელი 12
252 გელა კელიხაშვილი 8
266 ვანიკო თოთლაძე 6
292 გიორგი ქალდანი 2
73 კგ
1 როკ დრაკშიჩი (სლოვენია) 1444
2 დირკ ვან ტიჩელტი (ბელგია) 1428
3 საგი მუკი (ისრაელი) 1416
4 უგო ლეგრანი (საფრანგეთი) 1360
5 ვიქტორ სკვორტოვი (არაბ. გაერთ. საემირ.) 1320
11 ნუგზარ ტატალაშვილი 1108
15 ზებედა რეხვიაშვილი 764
34 ლაშა შავდათუაშვილი 458
162 ზურაბ ნოზაძე 45
197 არსენ მაჭარაშვილი 24
205 ფრიდონ გიგანი 22
218 ამბაკო ავალიანი 18
226 თამაზ კირაკოზაშვილი 16
272 გიორგი პაპუნაშვილი 7
309 თენგიზ პაპოშვილი 2
81 კგ
1 ავთანდილ ჭრიკიშვილი 2916
2 ლუის პიეტრი (საფრანგეთი) 1988
3 სვენ მარეხი (გერმანია) 1550
4 ტრევის სტივენსი (აშშ) 1410
5 ვიქტორ პენალბერი (ბრაზილია) 1404
19 უშანგი მარგიანი 600
23 ლევან წიკლაური 504
72 ზებედა რეხვიაშვილი 180
237 გიორგი პაპუნაშვილი 12
256 პაატა ღვინიაშვილი 10
269 იასონ ჩილინდრიშვილი 7
332 ლაშა ზურაბიანი 1
90 კგ
1 ვარლამ ლიპარტელიანი 2436
2 ეშლი გონზალესი (კუბა) 1780
3 ილიას ილიადისი (საბერძნეთი) 1371
4 კირილ დენისოვი (რუსეთი) 1358
5 კიუ-ვონ ლი (სამხრეთ კორეა) 1088
7 ბექა ღვინიაშვილი 997
8 ზვიად გოგოჭური 943
113 პაატა ღვინიაშვილი 70
176 ლაშა ტაველური 20
191 არჩილ გოგოლაშვილი 12
100 კგ
1 ლუკაშ კრპალეკი (ჩეხეთი) 2166
2 ელხან მამადოვი (აზერბაიჯანი) 1995
3 სირილ მარე (საფრანგეთი) 1822
4 ჰენკ ხროლი (ჰოლანდია) 1620
5 მაქსიმ რაკოვი (ყაზახეთი) 1240
61 ალექსანდრე მსხალაძე 157
62 ლევან ჟორჟოლიანი 151
68 დავით ლორიაშვილი 139
76 გურამ თუშიშვილი 125
105 ნოდარ მეტრეველი 62
108 ვარლამ ლიპარტელიანი 60
140 ლაშა გურული 31
188 გიორგი ნოზაძე 8
+100 კგ
1 ფაიცელ ჯაბალაჰი (ტუნისი) 2236
2 რაფაელ სილვა (ბრაზილია) 2110
3 ტედი რინერი (საფრანგეთი) 2050
3 ადამ ოქრუაშვილი 1991
5 სუნგ-მინ კიმი (სამხრეთ კორეა) 1210
14 ლევან მატიაშვილი 778
80 ნოდარ მეტრეველი 100
86 გიორგი ზაქარიაძე 83
128 ონისე ბუღაძე 39
166 როსტომ ხახალეიშვილი 4
ქალები
48 კგ
1 ურანცეცეგ მუნხბატი (მონღოლ) 2598
2 სარა მენეზეში (ბრაზილია) 2182
3 ევა ჩერნოვიცკი (უნგრეთი) 1310
4 მარია სელია ლაბორდე (კუბა) 1240
5 ტასიანა ლიმა (გვინეა ბისაუ) 1138
52 კგ
1 მაილინდა კელმენდი (კოსოვო) 3380
2 ერიკა მირანდა (ბრაზილია) 2150
3 მერინ კრაე (გერმანია) 1590
4 იუკი ჰაშიმოტო (იაპონია) 1540
5 ნატალია კუზიუტინა (რუსეთი) 1528
57 კგ
1 მირიამ როპერი (გერმანია) 2276
2 რაფაელა სილვა (ბრაზილია) 2112
3 ოტომნ პავია (საფრანგეთი) 2070
4 მარტი მალოი (აშშ) 1672
5 კეტლინ ქუადროში (ბრაზილია) 1608
195 მარიამ ციხელაშვილი 2
195 სალომე აბაშიძე 2
63 კგ
1 კლარის აგბენენუ (საფრანგეთი) 2700
2 იარდენ გერბი (ისრაელი) 2562
3 ანიჩკა ვან ემდენი (ჰოლანდია) 1741
4 კანა აბე (იაპონია) 1430
5 კატრინ უნტერვურზახერი (ავსტრ) 1367
96 შორენა შარაძე 63
181 ნინო მარტიაშვილი 2
70 კგ
1 კიმ პოლინგი (ჰოლანდია) 2860
2 ლაურა ვარგას კოხი (გერმანია) 2370
3 იორი ალვეარი (კოლუმბია) 1812
4 კელიტა ზუპანჩიჩი (კანადა) 1678
5 სალი კონვეი (ბრიტანეთი) 1308
41 ესტერ სტამი 268
139 თეა სუხიტაშვილი 2
78 კგ
1 მარინდე ვერკერკი (ჰოლანდია) 2190
2 ოდრი ჩომეო (საფრანგეთი) 2100
3 ანამარი ველენსეკი (სლოვენია) 1626
4 აბიგელ იო (უნგრეთი) 1608
5 ლუიზ მალზანი (გერმანია) 1540
121 ნინო ოძელაშვილი 2
+78 კგ
1 იდალის ორტიზი (კუბა) 2748
2 მარია სუელენ ალტემანი (ბრაზ) 2330
3 მეგუმი ტაჩიმოტო (იაპონია) 2010
4 ემილი ანდეოლი (საფრანგეთი) 1658
5 ეუნკიეონგ კიმი (სამხრეთ კორეა) 1464
75 ელენე ქებაძე 60
90 ირინე ლეონიძე 37
