ინგლისის ეროვნული ნაკრების ნახევარმცველი ჯეკ უილშირი, მცირე დაზიანების მიუხედავად, უკრაინის ეროვნულ გუნდთან თამაშს შეძლებს. ამის შესახებ ლონდონის “არსენალის” თავკაცმა არსენ ვენგერმა განუცხადა კლუბის ოფიციალურ საიტს.

“უილშირს ინფექცია ჰქონდა, მაგრამ ეს სანაკრებო მატჩებში ხელს არ შეუშლის”, - თქვა ფრანგმა.

მოგეხსენებათ, უილშირმა “ტოტენჰემთან” ლონდონურ დერბიში მოედანი 43-ე წუთზე, იძულებით დატოვა.

ცნობისათვის, ინგლსისა და უკრაინის ნაკრებები ერთმანეთს 10 სექტემბერს დაუპირისპირდებიან.