საკალათბურთო მსოფლიო ჩემპიონატის დაწყებამდე სულ ცოტა დრო რჩება. ტურნირისთვის 12-კაციანი შემადგენლობა შეარჩია თურქეთის ეროვნულმა ნაკრებმაც, რომელსაც ერგინ ატამანი ავარჯიშებს. თურქების რიგებში ერთადერთი ლეგიონერია – “ნიუ ორლეანის” ცენტრი ომერ აშიკი.

თურქეთის ნაკრების შემადგენლობა: ომერ აშიკი (ნიუ ორლეანი, აშშ), კერემ თუნჩერი (ტურკ ტელეკომი), სინან გიულერი (გალათასარაი), ენდერ არსლანი (გალათასარაი), ოგუზ სავაში (ფენერბაჰჩე), კერემ გონლუმი (ანადოლუ ეფესი), ჯენკ აკიოლი (ანადოლუ ეფესი), ბარიშ ერმიში (გაზიანთეფი), ემირ პრელჯიჩი (ფენერბაჰჩე), ფურკან ალდემირი (გალათასარაი), ჯედი ოსმანი (ანადოლუ ეფესი), ბარიშ ჰერსეკი (ქარშიაქა).

შეგახსენებთ, რომ 2014 წლის მსოფლიოს ჩემპიონატი 30 აგვისტოდან 14 სექტემბრამდე პერიოდში ესპანეთში ჩატარდება. თურქეთი C ჯგუფში მოხვდა, სადაც მეტოქეებად აშშ, ფინეთი, უკრაინა, ახალი ზელანდია და დომინიკის რესპუბლიკა ჰყავს.