ხუთშაბათს, უეფას ევროპის ლიგის ჯგუფური ეტაპის მე–4 ტურის მატჩები ჩატარდა. დღევანდელმა მატჩებმა პლეი ოფში გასული 3 კლუბის ვინაობა გამოარკვია. ესენი არიან: ლონდონის „ტოტენჰემი“, ფლორენციის „ფიორენტინა“ და ავსტრიული „ზალცბურგი“.

ანდრე ვილაშ–ბოაშის დამოძღვრილმა „ტოტენჰემმა“ „შერიფს“ უმასპინძლა და შინ უქულოდ გაისტუმრა. უგოლო პირველი ტაიმის შემდეგ, ლონდონელთა შემტევმა ერიკ ლამელამ ერთი შეხებით გადაგზავნა ბურთი სტუმართა კარში და თავისი გუნდი დააწინაურა. რამდენიმე წუთში, ჯერმეინ დეფომ თერთმეტმეტრიანი დარტყმით იხეირა და „ტოტენჰემს“ 2–ბურთიანი უპირატესობა მოუტანა. „შერიფმა“ ანგარიშში სხვაობის შემცირება შეძლო, მაგრამ მეტის გაკეთება ვეღარ მოახერხა – 2:1.

ფლორენციის „ფიორენტინამ“ პლეი ოფში თამაში რუმინულ „პანდურისთან“ საგარეო მატჩში გაინაღდა. იტალიელებს რთული მატჩი ჰქონდათ, რადგან გამარჯვებას მხოლოდ მსაჯის მიერ კომპენსირებულ დროში მიაღწიეს. თანაც, „ფიორენტინამ“ გოლი პირველ ტაიმში გაუშვა და სიტუაციის გამოსწორება მატჩის მიწურულს მოახერხა. რიდერისა და ბორხა ვალეროს გოლებით, „იებმა“ ჯგუფიდან გასვლის საკითხი საბოლოოდ გადაწყვიტეს – 1:2.

„სევილიამ“ „სლოვანი“ მიიღო და საყაიმო ანგარიშით დაშორდა. ანდალუსიის მხარეში, გუნდებმა გოლები და, შესაბამისად, ქულები გაცვალეს – 1:1. ანალოგიური ანგარიშით დასრულა „რიეკასა“ და „ლიონის“ დაპირისპირებაც.

ევროპის ლიგის ჯგუფი ეტაპის მე–4 ტურის მატჩების შედეგები ასეთია:

რუბინი – უიგანი 1:0

სტ.გალენი – ვალენსია 2:3

ლუდოგორეცი – ჩერნომორეცი 1:1

პსვ – დინამო (ზაგრები) 2:0

ესბიერგი – ელფსბორგი 1:0

სტანდარდი – ზალცბურგი 1:3

მარიბორი – ვარეგემი 0:1

დნიპრო – პაკოში 2:0

პანდური – ფიორენტინა 1:2

აპოელ–ი – ბორდო 2:1

მაკაბი (თელ ავივი) – აინტრახტი 4:2

რაპიდი – გენკი 2:2

თუნი – დინამო (კიევი) 0:2

სევილია – სლოვანი 1:1

ეშტორილი – ფრაიბურგი 0:0

რიეკა – ლიონი 1:1

გიმარაეში – ბეტისი 0:1

ლეგია – ტრაბზონსფორი 0:2

ლაციო – აპოლონი 2:1

ტრომსო – ანჟი 0:1

ტოტენჰემი – შერიფი 2:1

ალკმაარი – შახტიორი (ყარაგანდი) 1:0

მაკაბი (ჰაიფა) – პაოკ–ი

A ჯგუფი

B ჯგუფი

C ჯგუფი

D ჯგუფი

E ჯგუფი

F ჯგუფი

G ჯგუფი

H ჯგუფი

I ჯგუფი

J ჯგუფი

K ჯგუფი

L ჯგუფი