“ტოსნოს” მთავარი მწვრთნელი ნიკოლაი კოსტოვი ქართველი თავდამსხმელის ოთარ მარცვალაძის თამაშით კმაყოფილია.

რუსეთის საფეხბურთო პირველი დივიზიონის მე-10 ტურში “ტოსნომ” შინ “სახალინი” 1:0 დაამარცხა და 24-ე წუთზე გამარჯვების გოლი მარცვალაძემ გაიტანა.

მატჩის შემდეგ გამართულ პრესკონფერენციაზე “ტოსნოს” ბულგარელ თავკაცს ქართველის შესახებ ჰკითხეს. მან ხაზი გაუსვა, რომ იმ დროის განმავლობაში რაც მარცვალაძე მოედანზე იყო, 30 წლის თავდასხმელის მიმართ პრეტენზია არ აქვს.