უმაყურებლო მიხეილ მესხის სტადიონზე დასრულდა ეროვნული საფეხბურთო ჩემპიონატის უმაღლესი ლიგის 27-ე ტურის ქვედა ექვსეულის მორიგი მატჩი. “ტორპედომ” “მერანს” “უმასპინძლა” და 5:1 მოუგო. ანგარიში მე-14 წუთზე ქუთაისელმა ოთარ კვერნაძემ გახსნა, 33-ზე თემურ მარკოზაშვილმა მეორე გოლი გაიტანა, თუმცა ტაიმის მიწურულს მარტვილელმა ლევან გეგეჭკორმა ერთი საპასუხო შეაგდო და თითქოს ინტრიგა გაჩნდა, მაგრამ მეორე ტაიმში ირაკლი ლექვთაძემ (50-ე წთ), იმავე კვერნაძემ (77) და მარკოზაშვილმა (85) კიდევ სამჯერ დააწყებინეს სტუმრებს ცენტრიდან და დიდი ანგარიშით გაიმარჯვეს.

ამ წაგების შემდეგ “მერანი” ძალიან რთულ ვითარებაში აღმოჩნდა და თუ გუნდები 16-მდე არ გაზარდეს (რაზედაც ბოლო დროს ხშირად საუბრობენ), ალბათ უმაღლეს ლიგაში დარჩენა ძალიან გაუჭირდება.