საქართველოს ფეხბურთელთა ეროვნული გუნდის ნახევარმცველ თორნიკე ოქრიაშვილის თქმით, საუდის არაბეთთან ამხანაგური მატჩი იოლი არ აღმოჩნდა, მაგრამ მთავარი გამარჯვებაა.

“მიხარია, რომ დღეს საქართველოს ნაკრებმა მოიგო. რთული სეზონის მიუხედავად,  ჩვენი მიზანი ეროვნულ გუნდში წარმატებით თამაშია. საუდის არაბეთთან იოლი თამაში არ გამოვიდა, მაგრამ მთავარია, გავიმარჯვეთ. მიხარია, რომ ამ წარმატებაში ჩემი წვლილი შევიტანე. ეს ჩემი მეორე სანაკრებო გოლი იყო. დარწმუნებული ვარ ამხანაგური  თამაშები დაგვეხმარება, რომ ევროპის ჩემპიონატის საკვალიფიკაციო ეტაპი წარმატებით დავიწყოთ. დიდი მადლობა ყველა გულშემატკივარს, ვინც ყოველთვის გვერდში გვიდგას და გვამხნევებს. დიდი მოლოდინი მაქვს ევრო 2016-ის საკვალიფიკაციო ეტაპისადმი” – იუწყება ოქრიაშვილის სიტყვებს საქართველოს ფეხბურთის ფედერაციის ოფიციალური ვებგვერდი.

საქართველოს ნაკრებმა ესპანეთის ქალაქ ხერესში საუდის არაბეთი 2:0 დაამარცხა და განვლილ მატჩში ანგარიში ოქრიაშვილმა გახსნა, ხოლო მეორე გოლი ლადო დვალიშვილმა გაიტანა.