ბელგიის ქალაქ ტორჰაუტში მიმდინარე საჩოგბურთო ტურნირი, რომლის საპრიზო ფონდიც 50 ათასი დოლარია, მაკა ჩახნაშვილისთვის და სოფო შაფათავასთვის წარუმატებლად წარიმართა.
ჩახნაშვილმა ავსტრიელ ნიკოლა ჰოფმანოვას ღირსეული წინააღმდეგობა კი გაუწია, თუმცა, 6:7 (2:7), 5:7 წააგო და ასპარეზობა პირველივე წრეში დაასრულა. ძირითად ბადეში “იღბლიანი წაგებულის” სტატუსით მოხვედრილი სოფო შაფათავა მე-6 რეიტინგის მქონე ბრიტანელ ენ კეოტავონგს სათანადოდ ვერ დაუხვდა და 2:6, 1:6 დამარცხდა.
წყვილთა ტურნირში ჩახნაშვილი და სერბი იოვანოვიჩი მეოთხედფინალში არიან გასულნი, სადაც ბელგიელ დისტელმანსსა და ჰოლანდიელ შუურს გაეჯიბრებიან.