20 წლის ავსტრალიელმა ჩოგბურთელმა ბერნარდ ტომიჩმა წარმატებული სტარტი აიღო მაიამიში მიმდინარე მასტერსზე. მსოფლიო რეიტინგის 45-ე ჩოგანმა ტურნირის პირველ წრეში, უმძიმეს ბრძოლაში დაამარცხა ფრანგი მარკ ჟიკელი 7:5, 7:6.

ზემოთ ნახსენებ  ჩოგბურთელთა სადებიუტო მატჩი საათსა და 23 წუთს გაგრძელდა და ამ დროის განმავლობაში ტომიჩმა მეტოქის ჩაწოდებაზე სამი გეიმი მოიგო, საკუთარი კი ორჯერ დათმო. ბერნარდის ანგარიშზე ასევე 10 ეისი გახლდათ, მისმა მოწინააღმდეგემ კი 3 ეისის წილ ოთხი ორმაგი შეცდომაც დაუშვა.

მაიამის მასტერსის მესამე წრის მატჩში 20 წლის ავსტრალიელი მსოფლიო რეიტინგის მესამე ნომერ  ენდი მარეის დაუპირისპირდება.