ტინო კოსტა მოსკოვის “სპარტაკში” ითამაშებს

გარიგების ფინანსური დეტალები არ ხმაურდება. ესპანური პრესის ცნობით, “ვალენსია” ფეხბურთელის სანაცვლოდ 7 მილიონ ევროს მიიღებს, ხოლო კოსტა “სპარტაკთან” 4-წლიან კონტრაქტს გააფორმებს.

ტინო კოსტა “ვალენსიაში” 2010 წლიდან თამაშობდა. 3 სეზონის განმავლობაში, “ღამურების” მაისურით ჩატარებულ 97 თამაშში მან 15 გოლი გაიტანა და 16 შედეგიანი გადაცემა გააკეთა. კოსტას არგენტინის ეროვნული ნაკრების მაისურით 2-ჯერ უთამაშია.