იტალიური გამოცემა Gazzetta Dello Sport-ის ინფორმაციით, ტურინის "იუვენტუსის" თავდამსხმელი კარლოს ტევესი, ოქტომბრის თვეში გასამართ ამხანაგურ მატჩებში, შესაძლოა, არგენტინის ეროვნულ ნაკრებში კვლავ ვიხილოთ.

იტალიის ჩემპიონატში წარმატებული თამაშის მიუხედავად, "ალბისელესტეს" ყოფილმა დამრიგებელმა ბრაზილიაში გასამართ მუნდიალზე ტევესი არ იახლა და არც მანამდე იხმობდა ნაკრებში.

როგორც ირკვევა, არგენტინელთა ახალი თავკაცი ხერარდო მარტინო, კარლოს ტევესზე მონიტორინგს ახორციელებს და შესაძლოა ნაკრებში დააბრუნოს კიდეც.

შეგახსენებთ, რომ ტევესმა ბოლოს, არგენტინის მაისურით 2011 წლის 17 ივლისს, კოპა ამერიკის მეოთხედფინალში, მომავალი ჩემპიონის, ურუგვაის ეროვნული ნაკრების წინააღმდეგ ითამაშა.

გიორგი ბალახაძე