ანა ტატიშვილმა ჯორჯიის შტატის ქალაქ გაკონში მიმდინარე 25-ათასიანი ტურნირის მეოთხედფინალში გააღწია. მე-4 ნომრად განთესილმა ქართველმა ჩოგბურთელმა მორიგ მატჩში კანადელი კაროლ ჟაო 6:1, 4:6, 6:0 დაამარცხა.

აღსანიშნავია, რომ ანამ 10 ორმაგი შეცდომა დაუშვა და საკუთარი მოწოდება მხოლოდ 7-ჯერ მოიგო, თუმცა, 16-დან 9 ბრეიკ-პოინტი გამოიყენა და საერთო ჯამში, მაინც დამაჯერებლად იმარჯვა.

მეოთხედფინალში ტატიშვილის მეტოქე მე-6 განთესვის მქონე ამერიკელი ნიკოლ გიბსი იქნება, რომელიც თანამემამულე ალექსანდრე სტივენსონს 4:2-ს უგებდა, როდესაც მეტოქემ თამაშის გაგრძელებაზე უარი განაცხადა.