ბირმინგემში მიმდინარე Aegon Classic-ის პირველ რაუნდში ანა ტატიშვილი ცნობილ იტალიელ ჩოგბურთელ ფრანჩესკა სკიავონეს დაუპირისპირდა და მსოფლიოს 45-ე ჩოგანთან, რომელიც ბრიტანულ ტურნირზე მე-15 ნომრადაა განთესილი, დაძაბულ ბრძოლაში 6:2, 3:6, 6:7 (3:7) დამარცხდა.

აღსანიშნავია, რომ მატჩი ორ საათსა და 10 წუთს გაგრძელდა და ქართველმა ჩოგბურთელმა მეტოქის მოწოდებაზე 13 ქულით მეტი (49:36), ხოლო ჯამში ერთი მეტი გათამაშება (101:100) მოიგო, თუმცა, გამარჯვებამდე ცოტა დააკლდა.

ცნობისთვის, ტატიშვილს პირველ მოწოდებაზე 68%-ანი მაჩვენებელი ჰქონდა, საიდანაც სათავისოდ 53% (32 60-დან) დაასრულა, მეორე მოწოდებაზე კი ბურთების 71% (20 28-დან) მოიგო.

ტატიშვილმა 1 ეისი მოაწოდა და ამდენივე ორმაგი შეცდომა დაუშვა (სკიავონეს 9 ეისი  და 9 ორმაგი ჰქონდა). ანამ 8-დან 5 ბრეიკ-პოინტი გამოიყენა, ხოლო ფრანჩესკამ 6-დან 4 ბრეიკი მიითვალა.