ანა ტატიშვილი ბრიტანულ ისტბორნში დაწყებულ საერთაშორისო ტურნირს პირველივე საკვალიფიკაციო რაუნდში გამოეთიშა. Aegon International-ის საწყის შეხვედრაში ქართველი ჩოგბურთელი პორტუგალიელ მარია ჟოაო კოელერს დაუპირისპირდა და მატჩში, რომელიც 2 საათს და 20 წუთს გაგრძელდა, 2:6, 7:6 (7:5), 4:6 წააგო.

ცნობისთვის, ტატიშვილს პირველ მოწოდებაზე 73%-ანი მაჩვენებელი ჰქონდა, საიდანაც სათავისოდ 55% (47 84-დან) დაასრულა, მეორე მოწოდებაზე კი ბურთების მხოლოდ 30% (9 30-დან) მოიგო.

ანამ 1 ეისი მოაწოდა და 5 ორმაგი შეცდომა დაუშვა (კოელერს 2 ეისი  და 5 ორმაგი ჰქონდა). ქართველმა ჩოგბურთელმა 12-დან 5 ბრეიკ-პოინტი გამოიყენა, ხოლო პორტუგალიელმა 10-დან 8 ბრეიკი მიითვალა.