ჩოგბურთი

3:39 | 18.03.2014 | ნანახია [] - ჯერ

ტატიშვილის 17 ორმაგი და მარცხი 43 წლის იაპონელთან

საქართველოს პირველმა ჩოგანმა ანა ტატიშვილმა მაიამიში დაწყებული “სონი ოუფენ ტენისის” (საპრიზო ფონდი 5 427 105) საკვალიფიკაციო ბადის პირველ მატჩში დასანანი მარცხი განიცადა, თუმცა, ეს მეტწილად საკუთარ თავს უნდა დააბრალოს.

საქმე ის გახლავთ, რომ 43 წლის იაპონელ ვეტერან კიმიკო დატე-კრუმთან შეხვედრაში, ტატიშვილმა 22 ბრეიკ-პოინტი მიიღო, საიდანაც 8 გამოიყენა, თავად კი მოწოდება 7-ჯერ დათმო და რაც მთავარია, 17 (!) ორმაგი შეცდომა დაუშვა.

საბოლოოდ, მატჩი ორსაათნახევარს გაგრძელდა და დატე-კრუმმა 6:4, 2:6, 7:6 (7:4) იმარჯვა. ამგვარად, ანამ პრესტიჟული ტურნირის ძირითად ბადეში გასვლის კარგი შანსი გაანიავა, რადგანაც გადამწყვეტ რაუნდში არა ფავორიტად მიჩნეული ანაბელ მედინა-გარიგესი ელოდა, არამედ “უაილდ ქარდის” მქონე უცნობი კანადელი ფრანსუა აბანდა, რომელმაც ესპანელს მოულოდნელად – 3:6, 6:1, 6:2 სძლია.

0.121607