ქართველმა ჩოგბურთელმა ანა ტატიშვილმა ფლორიდულ დეიტონა ბიჩში მიმდინარე საერთაშორისო ტურნირის (საპრიზო ფონდი 25 ათასი დოლარი) მე-2 რაუნდიც პრობლემების გარეშე დასძლია.
საქართველოს პირველმა ჩოგანმა კვალიფიკაციის ერთ-ერთ გამარჯვებულ ეიჟა მუჰამადს პირველი სეტი “მშრალზე” მოუგო, საბოლოოდ, კი ამერიკელს 6:0, 6:4 სძლია.
მეოთხედფინალში ტატიშვილის მეტოქე კვალიფიკაციის ერთ-ერთი გამარჯვებული ტეილორ ტაუნსენდი (აშშ) იქნება, რომელმაც გზიდან კანადელები ფრანსუა აბანდა და ალეკსანდრა ვოზნიაკი სეტისწაუგებლად ჩამოიშორა.
ცნობისთვის, დეიტონა ბიჩის ტურნირის მეოთხედფინალში გასვლით ქართველმა ჩოგბურთელმა 9 სარეიტინგო ქულა შეიმატა, ნახევარფინალი 18 ქულას იძლევა, ფინალი – 30-ს, ხოლო ჩემპიონი მარაგს 50 ქულით გაიმდიდრებს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია